S’UNIONI DE IS COMUNUS PARTE MONTIS (ndi faint parti is comunus de Gonnotramatza, Masuddas, Mòguru, Pompu, Simala e Siris) bolit agiudai in sa batalla contra a su virus Sars-Cov-2, chi giait sa maladia de Covid-19, promovendi initziativas po sensibilizai sa genti a arrespetai is mesuras de distantziamentu sotziali, limpiadura de is manus e de is logus inui biveus. In prus po cuntrastai s'ispainadura de su virus, tenit bidea de fai finas unu percursu de screening po is traballadoris de s'Enti, a praxeri issoru, imperendi Test sierològicus lestrus po Covid-191 e, po is chi arresultant positivus a su test, is tamponis cun TEST Antigene Rapido2.
Sa possibilidadi de fai su test est aberta fintzas a is tzitadinus chi ndi faint domanda a unu prètziu agilitau, ma a càrrigu issoru.
Is tzitadinus chi bolint fai su test podint cuntatai is comunus de residèntzia e s'ant a podi finas prenotai po sa dì chi ant a fai is test in is comunus issoru. In Mòguru su 7 de onnisanti de is 08 a sa una de mangianu e de is 3 a is 6 e mesu de merì.
Po informatzionis e po si prenotai podeis tzerriai a su Comunu de Mòguru de is 9 a sa una de mangianu, a custu nùmeru 0783993028