Su Plus de Aristanis at incarrerau una procedura po costituiri un'Albu sugetus Frunidoris acreditaus a fai servìtzius de assistèntzia domiciliari (SAD) e servìtziu mandiari a domicìliu (SPD) po is Comunus de s'Àmbitu de su Distretu de Aristanis: Àllai, Boàtiri, Bauladu, Crabas, Miris, Narabuia, Nurachi, Samugheo, Sant'Eru, Santa Justa, Siamajore, Siamanna, Siapicia, Simaghis, Sabarussa, Tramatza, Biddanoa Truschedu, Biddobrana, Tzeddiani, Zorfoliu.
Is ditas interessadas ant a podi intregai istàntzia de acreditamentu po custas tipologias de prestatzionis:
- Lotu 1 chi imprassat su servìtziu de assistèntzia domiciliari, su frunidori at a depi fruniri is prestatzionis chi pertocant su servìtziu de assistèntzia domiciliari, comenti narat s’allegau C, me in is Comunus de s’Àmbitu PLUS de su Distretu de Aristanis;
- Lotu 2 chi imprassat su servìtziu de mandiari a domicìliu, su frunidori depit essi capassu de assegurai a is impitadoris residendi me in is Comunus de su Distretu, mandiari prontus, imboddicaus e portaus a domu arrispetendi totu is disponimentus de lei e regulamentus chi pertocant s’igieni o comenti si siat chi tenint de biri cun su servìtziu in chistioni, contendi finas cussus chi simmai ant bogau in fatu de ai acreditau su frunidori.
1.S’àmbitu po apricai s’acreditamentu at a pertocai is servìtzius de assistèntzia domiciliari in gestioni dereta:
2.Servìtziu de assistèntzia domiciliari ordinàriu (SAD);
3.Servìtziu de assistèntzia domiciliari cun L. 162/98;
4.Servìtziu de assistèntzia domiciliari cun su programma “Ritornare a Casa”;
5.Servìtziu de assistèntzia domiciliari cun su progetu “Disabilità Gravissime;
6.Servìtziu de assistèntzia domiciliari candu ddus ponit in contu disponimentus natzionalis e regionalis;
7.Servìtziu po fruniri mandiari a domicìlio (SPD).
Podint intregai dimanda is impresas, is sotziedadis, is cooperativas, is ragrupamentus e is cunsòrtzius, is assòtzius, is istitutzionis privadas de assistèntzia, is fundatzionis, is istitutzionis pùblicas de assistèntzia e beneficèntzia, is àterus organismus chi non tenint punnas de lucru.
Is dimandas de acreditamentu e totu is documentus aunius si depint mandai a su Comuni de Aristanis – Ufìtziu de Pianu e at a depi arribai a s’Ufìtziu protocollu, in Pratza de Eleonora de Arborea - 09170 – Aristanis, aintru de sa 1 de meigama de su 30/11/2020. No at a balli su timbru postali