Sa Giunta regionali arreconnoscit a is Universidadis de sa Tertza Edadi unu rolu de
grandu importu po s'ispainadura de sa curtura e de sa traditzioni. Difati su svilupu de su sciri tra is tzitadinus sardu mannus e antzianus, sa partecipatzioni issoru a sa vida sotziali e
culturali inui bivint, ndi agiudat sa sotzializatzioni.
Dd'at nau su Presidenti de sa Regioni Christian Solinas, fadendi sciri de ai finanztiau
500 milli èurus po s'annu acadèmicu 2020-2021, donendi 200 milli èurus in prus de s'annu passau a is Universidadis de sa Tertza Edadi de sa Sardìnnia.
“Prusatotu po is chi tenint prus de 65 annus – at nau s’Assessori a s'Istrutzioni
Pùblica Andrea Biancareddu, is Universidadis de sa Tertza Edadi tenint unu rolu de importu mannu poita permitint a is chi pigant parti de connòsciri e bivi de prus su territòriu issoru. Is
esperièntzias de is annus passaus narant ca custas Universidadis tenint una truma de impitadoris manna e diversa.
Is datus ammostant ca su nùmeru de is iscritus a s'Universidadi crescit de annu in annu,
rapresentendi una aina po cumbati s'ausèntzia de ocasionis de svilupu culturali e essendi unu strumentu fodamentali po su svilupu de mannus e bècius chi podint aici tenni finas una vida prus
prena e prus bella cun sa cultura chi ammànniat sa calidadi de sa vida etotu.
In Sardìnnia nc'at 37 Universidadis de sa Tertza Edadi.