Si fait sciri a is sugetus interessaus ca su PLUS de Aristanis at incarrerau sa procedura po ndi pesai un'Albu de is Sugetus Frunidoris acreditaus a fai Servìtzius Educativus po is Comunus chi faint parti de s'àmbitu de su Distretu de Aristanis: Allai, Boàtiri, Bauladu, Crabas, Miris, Narabuia, Nurachi, Samugheo, Sant'Eru, Santa Justa, Siamajore, Siamanna, Siapicia, Simaghis, Sabarussa, Tramatza, Biddanoa Truschedu, Biddobrana, Tzeddiani, Zorfoliu.
Aici comenti s'est stabiliu cunforma a s'Art.38 L.R. 23/2005 su forniri is servìtzius e is interventus si fait finas in forma indereta, cun sugetus acreditaus, chi sa collaboratzioni si fait cun cuncessioni de tìtulus po comporai, un'enti titulari de funtzionis de gestioni, servìtzius sotzialis pedendi-ddu s'interessau/ada de su Servìtziu Sotziali de cumpetèntzia.
Is ditas interessadas ant a podi intregai istàntzia de acreditamentu po fruniri Servìtzius educativus innnoi arremonaus:
- Servìtziu Educativu Territoriali (SET);
- Servìtziu Educativu Territoriali cun L.162/98;
- Servìtziu de Assistèntzia Educativa Scolàstica Specialìstica (SAESS);
- Servìtzius Educativus chi mai disponimentus natzionalis e regionalis ponint in contu.
Podint intregai dimanda de acreditamentu is impresas, is cooperativas, is ragrupamentus e is cunsòrtzius, is assòtzius, is istitutzionis privadas de assistèntzia, is fundatzionis, is istrutzionis pùblicas de assistèntzia e de benificèntzia e àterus organismus sena punnas de lucru.
S'istàntza e totu is documentus tocat de nci ddus mandai a su Comuni de Aristanis - Ufìtziu de Pianu e at a depi arribai a s'Ufìtziu Protocollu, Pratza de Eleonora D'Arborea - 09170 - Aristanis, aintru e sena de sartai sa 1:00 de meigama de su 30.11.2020. No at a balli su timbru postali.