Mudat su modu de manigiai s'apricatzioni po su servìtziu mensa me in is scolas aristanesas.
Movendi de martis 3 de onniasantu, non si at a comunicai prus sa presèntzia a sa dii, ma feti candu acontessit s'ausèntzia a su servìtziu mensa.
Su comunicau tocat de ddu fai aintru de is 9 oras e mesu cun s'apricatzioni "APP SIMEAL" o sinuncas in su portali Servìtzius Scolàsticus de Aristanis https://oristano.simeal.it/sicare/benvenuto.php.
“Eus bòfiu arriciri is rechestas chi eus tentu de genidoris - narat s'Assessori a s'Istrutzioni Pùblica Massimiliano Sanna -. Mudendi s'impostatzioni de s'apricatzioni po prenotai su mandiari po sa mensa scolàstica si auguraus de acuntentai is abisòngius de is famìllias circhendi de no incapai in situatzionis chi dispraxint e de disàgiu. Berus est ca est de apretu a sensibilizai is genidoris po chi fatzant comenti si depit su comunicau candu ammancat su pipiu, e si pedit s'agiudu e sa cumprensioni prus manna inghitzendi sa manera noba de gestioni de is prenotatzionis".
Po informus e comunicatzionis cuntatai s'Ufìtziu Istrutzioni de su Comuni de Aristanis a is nùmerus: 0783791238-0783791307.