Càmbiat sa manera de imperai sa APP po su servìtziu de mensa in is iscolas aristanesas..
A movi de martis 3 de onnisanti non si depit prus comunicai sa presèntzia giornallera ma feti s'ausèntzia de su servìtziu mensa.
Sa comunicatzioni si depit fai intra de is 9 e mesu de mangianu cun sa APP SIMEAL o imperendi su portali de is Servìtzius Scolàsticus de su Comuni de Aristanis https://oristano.simeal.it/sicare/benvenuto.php.
“Eus bòfiu ascurtai is rechestas fatas de is babbus e mammas – acrarat s’Assessori a s'Istrutzioni Pùblica Massimiliano Sanna -. Mudendi custa impostatzioni in s'aplicatzioni po prenotai is pastus in sa mensa scolàstica, spereus de agiudai is esigèntzias de is famìllias , evitendi situatzionis non praxilis. Est òviu ca bollu sensibilizai is babbus e mammas a comunicai sèmpiri s'ausèntzia de is istudiantis e pedeus de si cumprendi si a primìtziu eus a tènniri calincuna dificultadi a manigiai sa manera de gestiri is prenotatzionis. ”
Po àteras informatzionis e comunicatzionis podeis cuntatai s'Ufìtziu de s'Istrutzioni Pùblica de su Comuni de Aristanis a su nùmeru 0783791238-0783791307.