Nova e fotografia liadas de linkoristano.it
Imparai a arrespetai s'ambienti inui biveus. Su progetu “Unu mari de plàstica” arribat in mesu a is bancus de scola, in cussa de via Cesare Battisti a Crabas, interessendi 80 studiantis de duas classis prima e segunda cun unu laboratòriu po imparai comenti a torrai a imperai sa plàstica.
Su diretori de s'àrea marina de su Sinis, Massimo Marras, paris cun su responsàbili de su Ceas Aristanis Antonio Ricciu e a s'animadora de is atividadis de su Ceas, Mariangela Lutzu, si sunt trasferius in scola e cun unu laboratòriu chi fueddàt de comenti torrai a imperai sa plàstica boddida in mari, ant circau de sensibilizai is istudiantis apitzus de s'incuinamentu de su mari.
Su progetu “Unu mari de plàstica”, in s'istadiabi at interessau invècias pipius e piciocheddus de sa provìntzia in totu is ispiàgias de su Sinis. Pari cun is operadoris de su Ceas, is prus pitiadeddus ant inditau a is banniantis comenti si cumportai po amparai matas e animalis chi bivint in mari.
S'educatzioni a su respetu de s’ambienti depit movi de is prus pitius poita, comenti narat su diretori de s'AMP Massimo Marras, “is cumportamentus chi eus tentu nosu mannus in is ùrtimus 50 annus non fait prus a ddus tènniri e tocat a ddus mudai ”.