Confcommercio cunsiderendi sa crisi sanitària e su chi podit ocasionai a is atividadis de in negòtzius, promovit sa partecipatzioni de is impresas a su webinar “Negòtzius e Covid-19”, chi s'at a fai su 9 de onnisanti a is 10.30 de mangianu.
A custu eventu, chi s'at a fai in totu su stadu in su matessi momentu, tocat a si scriri intra de su 30 de ladamini.
Is chistionis de su programma sunt:
- Una presentada de Fabrizio Valente, fundadori de Kiki Lab e espertu in is atividadis de bendida, membru de sa Giuria de su “Prèmiu Innovatzioni Servìtzius”. S'interventu cosa suu “Assentu e sentidu po binci sa batalla Covid. Crais, casus e consillus pràticus po is negòtzius” at a ammostai is esperièntzias de sutzessu italianas e stràngias de podi imperai in unu negòtziu;
- s’interventu de Karin Zaghi, maistu de Visual Merchindising e Store Management in sa SDA Bocconi School of Management
- unu momentu de acabbu inui is chi pigant parti ant a podi fai domandas a is espertus apitzus de su negòtziu issoru.
Is sòtzius de sa Confcommercio ant a tenni sa possibilidadi de mandai a is espertus, una borta scritus intra de su 30 de ladàmini cun unu form de google dedicau, s'imbirdiera de su negòtziu issoru po àiri consillus e inditus de comenti amellorai sa comunicatzioni. Is relatoris ant a scioberai 10-15 imbirdieras po ndi fueddai in su cursu e giai consillus pràticus. Is àterus invècias ant a arriciri unu agiudu a sa posta eletrònica cun consillus apitzus de s'imbirdiera issoru in is diis apustis a su Webinar.
Po àteras informatzionis e iscritzionis intrai in su giassu www.confcommerciodioristano.it