Nova e fotografia liadas de linkoristano.it
Est forti meda su liòngiu intra de Antioco Zucca e sa comunidadi de Biddobrana.
Cida passada s’amministratzioni comunali at arregordau su filòsufu e poeta de sa Marmilla, nàsciu su 21 de ladàmini de su 1870, cun una tzerimònia trasmìtia in streaming. S'arregistratzioni est a disponimentu in sa pàgina Facebook de su Comunu.
At cumentzau cun is saludus su sìndigu Paolo Pireddu e apustis de àiri postu unu matzu de froris in sa tumba de su studiosu, su professori Antonio Pinna, autori de sa monografia “Antioco Zucca, unu filòsufu pagu connotu” at arregordau su pensadori de Biddobrana.
Ant pigau parti a sa tzerimònia unus cantu rapresentantis de sa famìllia Sarais, parentau de su filòsufu.