Su Comuni de Crabas giait 40 bursas de stùdiu po miriscimentu a totu is istudiantis residentis e scritus a is iscolas superioris statalis e paritàrias e chi frecuentant conservatòrius de mùsica pùblicus e privaus chi sunt abilitaus a lassai tìtulus arreconnotus de su stadu.
Finas a mesudì e mesu de su 30 de onnisanti si podit intregai sa domanda po binci una bursa de stùdiu po s'annu scolàsticu 2019/2020. Impari a su mòdulu (chi si podit scarriai de su giassu istitutzionali de su Comuni de Crabas) si depit presentai una còpia de s'Isee vàlidu, sa còpia de unu documentu de identidadi de su chi fait sa domanda e s’informativa privacy, firmada.
Tocat a intregai is domandas a s'Ufìtziu de su Protocollu de su Comuni ( de su lunis a su cenàbura de is 10 a mesudì), mandadas cun sa posta normali, o a posta eletrònica certificada o non, a custus indiritzus :protocollo@pec.comune.cabras.or.it, protocollo@comune.cabras.or.it
Sa modulìstica si podit agatai a s’Informa Comunità, in via Matteotti a Crabas (0783.290446, 340.8628020, e-mail informacabras@virgilio.it). Po àteras informatzionis si podit telefonai a s'Ufìtziu de s'istrutzioni pùblica a su nùmeru 0783 397247.