Pùblicau su decretu de su Presidenti de sa Regioni Autònoma de Sardigna n.111 de su 13 de su mesi de ladàmini de su 2020 po costituiri su Consillu de sa Càmera de Cummèrciu de Casteddu-Aristanis.
Su 30 de onniasanti de su 2020 s'at a atobiai po sa primu borta su Consillu de sa Càmera de Cummèrciu de Casteddu-Aristanis, istituida cun decretu de su Ministru de su svilupu econòmicu de su 16 de freàrgiu de su 2018. Acabbat aici sa carrera de riforma inghitzada in su 2016 cun decretu legislativu n.219 de su 25 de onniasanti. Una carrera longa e introbeddada, cun unas cantu suspensionis e aviamentus, chi non dipendiant de sa voluntadi de is òrganus de is duas Càmeras de Casteddu e de Aristanis, ma chi lompit a un'acorpamentu de totu is duas Càmeras de Casteddu e Aristanis in cunditzionis de dificultadi, prus de totu po s'amenguamentu de is arresursas umananas in servìtziu. Ananti de una surra de pensionamentus me in is ùrtimus annus, aici comenti ponit in contu sa normativa de immui, at a fai a rempratzai su personali chi at acabbau de traballai feti apustis de ai acabbau s'acorpamentu, chi s'at a fai candu s'at a costituiri su Consillu de sa Càmera noba, fissau po s'apuntu a su 30 de onniasanti afatanti.
Po nexi de custa situatzioni, sa Càmera de Cummèrciu de Aristanis, cun is 12 dipendentis de immui contras a is 25 in servìtziu a su 31 de su mesi de idas de su 2017, s'agatat in sa dificultadi de assegurai a fini a fini unus cantu servìtzius, in mesu a totu cussu de su Registru de is Impresas. Dificultadi chi iat a podi cresci pesendi-ndi sa Càmera ùnica, chi s'at a agatai in s'abisòngiu de torrai a castiai is sètius organizativus e is maneras operativas diferentis.
Si scusaus po tanti po is disàgius chi giai nci funt e cussus chi nci iant a essi me in is mesis chi benint. Seus a incurai de assegurai su primori de is situatzionis prus de apretu e s'eus a pigai s'incàrrigu, giai de immui, de ndi pesai cussas carreras po ndi assegurai sa sarvaguàrdia de totu is servìtzius chi donat oi sa Càmera de Cummèrcius in sa sea de Aristanis, comenti ponit in contu finas sa normativa