Artìculu liau de linkoristano.it
Si nci fiat andendi de sa Sardìnnia cu unu tostoiunu de una spècia amparada
(Testudo marginata), chi issu narat de ai agatau in sa strada fadendi una passillada. Sa guàrdia de Finàntzia at denuntziau unu turista calabresu apustis de unu cuntrollu in s'aeroportu de
Casteddu po no àiri arrespetau is normas chi pertocant su cummèrtziu e sa detentzioni de matas e animalis amparaus de sa lei.
Su tostoiunu chi su turista teniat in una scàtula in su sedili de sa màchina,
dd'ant afidaua a una clìnica veterinària de Casteddu.
Cuntrollendi is bagàllius de is àterus turistas chi fiant partendi de Casteddu, is finantzieris ant arrecuperau finas conchillus e arena, liaus a fura de is ispiàgias de sa Sardìnnia.
Sa Finàntzia at santzionau cuàturu turistas in partèntzia de Elmas; depint pagai 3 milli èurus onniunu.
Una fèmina frantzesa de 53 annus, invècias si nci fiat ingollendi una butìllia de imbirdi cun 700 g de arena de sa spiàgia de su Sinis de Crabas. Una àtera fèmina , polaca, teniat 92 conchillus liaus de su Poetu, unu turista lombardu invècias ndi teniat 64 de sa spàgia de Santu Giuanni , a Muravera.