Su Tzentru Funzionali Decentrau de Protetzioni Tzivili at fatu un'avisu de avèrtia Groga (criticidadi ordinària) de sa ora de is mesudii de lunis 26.10.2020 a is 11 e 59 minutus de su 26.10.2020:
- po arriscu idrogeològicu po temporadas me in is àreas de avèrtia Igresienti, Campidanu, Montibèciu, Pischinàpiu, Flumendosa Flumineddu, Tirsu e Gaddura;
- po arriscu idrogeològicu e idrogeològicu po temporadas in s'àrea de avèrtia Logudoru.
S'avisu de cunditzionis meteorològicas malas previdit a mangianu a tardu (26/10/2020) e finas a su merii strossas de àcua spaniadas movendi de is setoris de nordi e de ocidenti de s'ìsula. Nci podint ai temporadas fortis a solas finas a tocai totu su territòriu regionali.
S'avisu de criticidadi si podit castiai in s'indiritzu:
www.sardegnaambiente.it/index.php?xsl=2273&s=20&v=9&nodesc=1&c=7092
Novas de importu po sa populatzioni
Candu nci at temporada mala est consillau de abarrai in domu (chi t'agatas in unu locali mesuinterrau o in su pranu de bàsciu, tocat a ampuai me in is pranus de susu), limitai is movimentus in màchina feti po apretu, a s'informai de is cambiamentus de su tempus, de is mesuras de pigai, de is proceduras de sighiri chi inditant is struturas territorialis de protetzioni tzivili; aici etotu non si podint atraessai in arrius prenus de àcua siat a pei siat cun àteru mezu, de si firmai acanta de pontis e arrius e/o frùminis o de atraessai sutapassàgius.
Is normas de cumportamentu prima, immui e apustis de is fenòmenus mèteu-idrogeològicus si podint castiai a is indiritzus:
www.sardegnaambiente.it/documenti/20_467_20190227151334.pdf
www.sardegnaambiente.it/documenti/20_539_20190819112835.pdf
www.sardegnaambiente.it/documenti/20_467_20190227151402.pdf