Sa Provìntzia de Aristanis, biu ca est sighendi de abarrai s'apretu de s'epidemia de COVID-19, cuncedit un'àtera pròroga a sa scadèntzia po fai e intregai s'arrendicontu chi pertocat is interventus de bonìfica de manufatus de amiantu chi ddui funt in su territòriu de sa Provìntzia de Aristanis, finantziaus cun contributu sena de ndi torrai su dinai a benefìtziu de tzitadinus privaus - Fundus annualidadi 2017.
Sa scadèntzia noba est fissada a su 31 de gennàrgiu de su 2021, aintru de custa data s'ant a depi intregai totu is documentus po s'arrendicontu de is interventus, sartau custu lìmiti su benefìtziu s'at a cunsiderai arrutu.