Si informa che ARERA ("Autorità di Regolazione per Energia, Reti e Ambiente") cun sa Delìbera 140/2020/R/COM at prorogau is tèrminis po s'annoamentu de is bonus sotzialis (luxi, gas, àcua).
Po tanti, segundu a is disponimentus nous, movendi de su 1 de gennàrgiu de su 2021 non nci at a ai prus abisòngiu de intregai dimanda o de dda annoai e s'arrebàsciu in sa bulleta de luxi, gas e àcua s'at a donai a manera automàtica.
Chi ddu podit lograi?
- Is famìllias cun ISEE non prus artu de 8.265 èurus;
- Is famìllias mannas (cun prus de 3 fillus a càrrigu) cun ISEE non prus artu de 20.000 èurus;
- Is titularis de Rèditu de Citadinàntzia (Rdc) o Pensioni de citadinàntzia (Pdc);
Is chi ndi tenint deretu no ant a podi prus intregai dimanda po intrai a su benefìtziu. S'arrebàsciu aplicau in sa bulleta s'at a carculai cunforma a sa tipologia de impitu e de su nùmeru de totu is chi faint parti de su nùcreu familliari.
Cambiendi frunidori o tipu de cuntratu (po nai passendi de unu cuntratu de mercau de tutela prus manna a unu de su mercau lìberu) su bonu s'at a donai a su matessi.
Comenti s'apurat su bonu cuncèdiu o de pagai?
Si su bonu ddu ant giai cuncèdiu su tzitadinu at a agatai in bulleta unu comunicau aposta. Si su bonu funt paghendi-ddu ancora si scerant in bulleta, in sa setzioni "totale servizi di rete - quota fissa", ca ant amìtiu sa cumpensatzioni e s'importu a fini a fini chi pertocat s'apricatzioni de su bonu.
Agiornamentus e aprofundimentus
Po ndi sciri de prus tocat intrai in s'ARERA.