Su FLAGS - Sa Retza chi lìberat su mari - fait sciri de àiri emìtiu unu bandu (BANDU N° 14 - 912/2020) pùblicu de seletzioni de sugetus po ponni in atu su progetu FLAGS – FISHING LITTER AND ABANDONED GEARS IN SARDINIA mèsura 1.40 de su FEAMP Amparai e Torrai a che primu sa biodiversidadi e is ecosistemas marinus -Arregorta da parti de is piscadoris de is refudus de su mari (Ainas po piscai stramancadas e refudus marinus) ART. 40, PAR. 1, Lìt. A) DE SU REG. (UE). - SA DOMANDA tocat a dda presentai intra de mesudì de domìnigu 29 de onnisanti 2020.
Podint pigai parti a su bandu sugetus fisicus o impresas chi òperant in Sardìnnia e sunt scritus in is ufìtzius marìtimus de cumpetèntzia
A su progetu pigant parti:
• s’Universidadi de is Istùdius de Casteddu – Dipartimentu de is Iscièntzias de sa Vida;
• su “FLAG Sardìnnia Orientali”, nòmini intreu “Fishering Local Action Group Sardegna Orientale”;
•su “Grupu Atzioni Costiera Sardìnnia de su Nord” o connota comenti a “FLAG Nord Sardìnnia”;
. su “FLAG Sardìnnia Sud Otzidentali”;
• su “FLAG Pischendi de sa Sardìnnia Tzentru Otzidentali”