Aristanis tenit un'àtera centenària. Est tzia Angelina Faedda chi at afestau unu sèculu de vida in domu sua in sa bia de Isili impari a is fillus Pietro e Rita, a sa sorri Bonaria e a is 4 nebodis.
S’Assessora a is Servìtzius sotzialis Carmen Murru, at pigau parti a sa festa, donendi-ddi una targa de augùrius a nòmini de su Sìndigu Lutzu e de totu sa tzitadi.
Nàscia in Bilartzi su 22 de su mesi de ladàmini de su 1920, Angelina Faedda si nci est cambiada a Aristanis impari a su pobiddu ferrovieri Salvatore Campus in su 1959. De su 1960 bivit in sa bia de Isili, ma at sèmpiri tentu unu raportu cun bidda sua de orìgini innui bivit sa sorri Bonaria. Amantiosa de is traditzionis est brava a cuxinai, at intregau sa vida sua a sa famìllia.