Su PLUS de Aristanis at publicau s'Avisu po pigai parti a su Programma Sport terapia, chi at postu in contu s'Assessorau de s'Igieni e Sanidadi e de s'Assistèntzia Sotziali de sa RAS, po ndi pesai progetus po favoressi e spaniai su sport in favori de sugetus àbilis a manera diferenti de fai traballendi a manu de pari cun assòtzius sportivus iscritus in s'albu regionali chi traballant feti in su campu de sa disabilidadi.
Podint benefitziai de su finantziamentu is atividadis sportivas chi favoressint oportunidadi de benèssiri, favorendi ocasionis sportivas po s'acomunai apari e po socializai in favori de sugetus àbilis a manera diferenti.
Is assòtzius interessaus ant a depi intregai dimanda de finantziamentu a su PLUS de Aristanis segundu is maneras chi funt in s'avisu e impreendi sa modulìstica aprovada (allegaus A, B, C e D).
Sa dimanda s'at a depi intregai a arracumandada A/R o cun agentzia de recàpitu autorizada a s'indiritzu: Comuni de Aristanis – Enti capufila de su PLUS – Pratza de Eleonora d’Arborea, 44 – 09170 Aristanis, o portai a manu de su lunis a sa cenàbura de is 9 oras a sa 1 de mangianu e su martis e sa giòbia meigama de is 4 a is 6 a s'Ufìtziu protocollu de su Comuni de Aristanis, Pratza de Eleonora d’Arborea 44, Aristanis.
Sa busta po nci dda mandai depit portai sa scrita: “Sport terapia 2017”.
Sa dimanda at a depi arribai aintru de su 23/11/2020 (at a balli su timbru postali).
Po ndi sciri de prus si podit cuntatai s'Ufìtziu Plus a is nùmerus de telèfonu: 0783/791230 – 477.