S'Assessorau regionali de su Traballu at publicau s'avisu de cuncursu regionali po is Istitutus segundàrius de II gradu "Graziano Deiana" sa de III Editzioni de su 2020.
Sa Regioni Sardigna bolit favoressi de ndi fai pesai, a is studentis de is Istitutus segundàrius de segundu gradu, progetus annoadoris e originalis po sensibilizai, informai e spaniai sa connoscèntzia de su fenòmenu de sa trata, de su sfrutamentu malu de is scraus e su de portai genti a sa scravidadi.
Is chi bolint pigai parti depint intregai propostas annoadoras po ndi pesai initziativas de natura tzivili, sotziali, educativa, ambientali, sportiva, culturali o de giogu-arrecreu, comenti a: figuras, filmis curtzus, documentàrius, murales, laboratòrius, vìdeus musicalis e sighendi.
Is dimandas po ndi pigai parti tocat de ddas mandai aintru de su 30 de su mesi de onniasanti de su 2020 a PEC a s'indiritzu: lavoro@pec.regione.sardegna.it.
Informus e crarimentus s'ant a podi mandai a s'indiritzu de posta eletrònica: msechi@regione.sardegna.i