Cincu comunsu sardus (Cuglieri, Masainas, Serrenti, Uri e Usini) pigant parti a sa de cuàturu editzionis de sa " Passillada intra a
is matas de olia", cuncordada de s'assòtziu natzionali "Tzitadi de s'ollu", chi si fait domìnigu 25 de ladàmini in prus de 80 tzitadis italianas; sa manifestatzioni dd'ant presentada in is
aposentus de s'Assessorau regionali a is Enti localis.
“S'olia arrapresentat unu elementu pegullari de su sartu sardu, inui podeus atobiai matas millenàrias e s'ollu fatu in Sardìnnia est una de is ecellèntzias chi si depint amparai e promovi - marcat s'assessori regionali a is Entis Localis, Quirico Sanna – Produtus de calidadi chi sunt s'identidadi e sa curtura de s'ìsula e depint diventai sìmbulu de is sardus in totu su mundu, arrapresentendi fintzas una ocasioni manna de svilupu e traballu”.
“Custas manifestatzionis sunt una oportunidadi manna po afortiai s'immàgini de sa Sardìnnia in unu momentu aici difìtzili - aciungit s'assessori a su Turismu, Gianni Chessa – Fintzas su setori agru alimentari est de importu mannu po avalorai e promovi su territòriu , amellorendi s'oferta turìstica. S'ollu sardu est difati tradiztioni e curtura".
“Mancai nci siant is dificultadis dèpias a s'emergèntzia sanitària, depeus pensai a cussus setoris de s'economia de innoi fai torrai a partiri sa Sardìnnia, ponendi impari s'amparu de s'ambienti e sa crèscida econòmica e s'ollu sardu est siguramentu unu produtu de calidadi chi podit giai prestìgiu a s'ìsula - at nau s'assessori a sa Difesa de s’ambienti, Gianni Lampis - In su patrimòniu ambientali e paesagìsticu sardu, is matas de olia millenàrias sunt una acellèntzia de promovi fintzas in àmbitu turìsticu, po fai connòsciri sa stòria e i tradiztionis nostas".
“S'olia arrapresentat unu elementu pegullari de su sartu sardu, inui podeus atobiai matas millenàrias e s'ollu fatu in Sardìnnia est una de is ecellèntzias chi si depint amparai e promovi - marcat s'assessori regionali a is Entis Localis, Quirico Sanna – Produtus de calidadi chi sunt s'identidadi e sa curtura de s'ìsula e depint diventai sìmbulu de is sardus in totu su mundu, arrapresentendi fintzas una ocasioni manna de svilupu e traballu”.
“Custas manifestatzionis sunt una oportunidadi manna po afortiai s'immàgini de sa Sardìnnia in unu momentu aici difìtzili - aciungit s'assessori a su Turismu, Gianni Chessa – Fintzas su setori agru alimentari est de importu mannu po avalorai e promovi su territòriu , amellorendi s'oferta turìstica. S'ollu sardu est difati tradiztioni e curtura".
“Mancai nci siant is dificultadis dèpias a s'emergèntzia sanitària, depeus pensai a cussus setoris de s'economia de innoi fai torrai a partiri sa Sardìnnia, ponendi impari s'amparu de s'ambienti e sa crèscida econòmica e s'ollu sardu est siguramentu unu produtu de calidadi chi podit giai prestìgiu a s'ìsula - at nau s'assessori a sa Difesa de s’ambienti, Gianni Lampis - In su patrimòniu ambientali e paesagìsticu sardu, is matas de olia millenàrias sunt una acellèntzia de promovi fintzas in àmbitu turìsticu, po fai connòsciri sa stòria e i tradiztionis nostas".