Fotografia e nova de linkoristano.it
Grandu commotzioni in Crabas po s'ùrtima missa de don Bruno Zucca. Su predi, in sa crèsia de sa Maria Vìrgini Assunta, at acabbau su caminu de sacerdòtziu apustis de 28 annus, po andai in pensioni.
A sa tzelebratzioni cun is fidelis at pigau parti su sìndigu de Crabas Andrea Abis, chi at arregalau a su predi una targa po arregordu.
A arramprasai Don Zucca arribat don Giuseppe Sanna, de sa crèsia de santu Sebastianu in Aristanis.
Is tzitadinus de Aristanis ant bìviu su tasferimentu de don Giuseppe cun disprexeri mannu. “Ddu podeus feti saludai cun su coru tristu”, ant scritu in una lìtera inui arremonant is 8 annus chi issu at passau in sa crèsia de Santu Sebastianu.