Su Comunu de Mòguru at publicau duus bandus de mobilidadi voluntària de foras cunforma a s’art. 30 de su D.lgs. n. 165/2001, po ammantai a tempus prenu e indeterminau unu postu in su prefilu professionali de Istrutori Diretivu Assistenti Sotziali - Cat. D e de unu postu de Istrutori de vigilàntzia - Cat. C.
Totu e duus bandus de mobilidadi funt po dipendentis de rolu a tempus prenu e indeterminau de una amministratzioni pùblica cun su matessi o sìmbili prefilu professionali de ammantai.
Is dimandas po pigai parti a sa seletzioni ant a depi arribai a s'ufìtziu protocollu de su Comunu de Mòguru, pena su de abarrai foras, aintru de is 30 diis in fatu a sa publicatzioni de s'avisu in s'albu pretòriu in lìnia, est a nai aintru de su 19/11/2020, segundu a is maneras chi ddui funt me in is bandus.
Po ndi sciri de prus tocat a pregontai a s'Ufìtziu Personali (tel. n. 0783/993003-23 o a posta eletrònica a: segreteria@comune.mogoro.or.it)