S’Assessorau regionali de s'Istrutzioni Pùblica, arregordat ca movendi de is 9 oras de
su 19 de su mesi de ladàmini de su 2020 e finas a is mesudii de su 29 de su mesi de ladàmini de su 2020 ca s'ant a podi mandai, feti a manera telemàtica de unu indiritzu de posta eletrònica a
s'indiritzu PEC de sa diretzioni generali de is Benis Culturalis, Informatzioni, Spetàculu e Sport: pi.dgbeniculturali@pec.regione.sardegna.it ,
is dimandas po pediri is "Contributus po valorizai s'identidadi, su territòriu e sa lìngua sarda in favori de organismus chi traballant in su cumpartu de su spetàculu".
S'avisu est deretu in mesu a totu a duas categorias:
a) Assòtzius sena scopu de
lucru chi tenint sea legali e operativa in Sardigna, chi faint atividadi de
spetàculu cun pùblicu me in is setoris de su Teatru, de sa mùsica e de sa danza o chi tenint is rechisius afatantis:
- ai fatu atividadi totu de sighida, a s'ora de fai sa dimanda, assumancu 15
annus;
- ai fatu assumancu 15 eventus a s'annu;
- cun riferimentu a su tempus intra de su 1 de gennàrgiu de su 2017 e su 29 de freàrgiu
de su 2020, ai fatu assumancu 45 rapresentatzionis e ai pagau is contributus previdentzialis assumancu po 1500 diis de traballu.
b) Fundatzionis de su cumpartu de su
spetàculu chi tenint sea legali e operativa in
Sardigna:
- costituidas aintru de su 31 de su mesi de idas de su 2019;
- chi favoressint in su setori de sa mùsica sa sarvaguàrdia e su valorizamentu de
cumposidoris sardus.
Acontessendi de pregontai crarimentus s'ant a depi mandai a posta eletrònica a
s'indiritzu: pi.urp@regione.sardegna.it