Si fait sciri a is famìllias interessadas ca, fait a iscriri is fillus insoru a su Servìtziu "Spàtziu Atòbiu".
Custu servìtziu est feti po is minoris chi frecuentant sa Scola Primària e sa Scola Segundària de su Comunu de Santa Justa.
Su "Spàtziu Atòbiu" est unu servìtziu chi donat su Comunu cun sa punna principali de favoressi scutas de atòbius e de acomunamentus intra de is chi ndi faint parti favoressendi atividadis educativas, de recreu, culturalis, de tempus lìberu e de impìnniu solidali.
In aciunta de scutas de pausu, su Spàtziu Atòbiu donat una surra de atividadis de fai a solus o in grupu, comenti a:
- Atividadis didàticas;
- Giogus de fai in sa mesa (cartas, tombola, scachi etc.) e torneus;
- Laboratòrius de baddu, pitura, arti, cìnema, mùsica, "tik tok", grafitus, reciclu, arredu e decoru urbanu, ginnàstica, cantu, psicomotricidadi;
- Murzus a tema;
- Scampirradas in su territòriu, gitas;
- Festas e arricurrèntzias.
Is atividadis de su Spàtziu Atòbiu s'ant a fai me in is localis de sa Scola Elementari posta in sa bia de Dante snc, me in is diis e oràrius: lunis, giòbia e cenàbura de is 5 a is 6,30 de merii.
Is istàntzias po ndi pigai parti depint arribai aintru e sena de sartai cenàbura 30 de su mesi de ladàmini de su 2020 e s'ant a podi mandai a s'indiritzu de posta eletrònica: info@comune.santagiusta.or.it o, feti candu non si ndi tenis sa possibilidadi, intregadas a manu a s'Ufìtziu Protocollu me in diis e oràrius: de su lunis a sa cenàbura de is 11 a sa 1,30 de mangianu e su mèrcuris a merii de is 3,30 a is 6,30.
Po ndi sciri de prus fai a pregontai a s'Ufìtziu Servìtzius Sotzialis a su nùmeru de telèfonu: 0783-354528.