Eletzioni dereta de su Sìndigu e de su Consillu Comunali 25/26 de su mesi de ladàmini de su 2020 – oràrius po aberri is ufìtzius po lassai is tèsseras eletoralis e is duplicaus suus.
In ocasioni de s’Eletzioni dereta de su Sìndigu e de su Consillu Comunali chi s’at fai me in is diis de domigu 25 e lunis 26 de su mesi de ladàmini de su 2020, su Comunu de Mòguru at postu in contu de aberri in prus is ufìtzius po lassai is tèsseras eletoralis.
Movendi de cenàbara 23 e finas a lunis 26 de su mesi de ladàmini de su 2020 s’Ufìtziu eletorali de su Comunu de Mòguru s’at a aberri:
· cenàbara 23 de su mesi de ladàmini de is 9.00 oras de mangianu a is 6 de merii;
· sàbudu 24 de su mesi de ladàmini de is 9.00 oras de mangianu a is 6 de merii;
· domigu 25 de su mesi de ladàmini de is 7.00 de mangianu a is 11.00 de noti;
· lunis 26 de su mesi de ladàmini de is 7.00 de mangianu a is 3.00 de merii.
Sa tèssera elettorali
Sa tèssera eletorali personali, chi ponit in contu s’art. 13 de sa lei 30 de abrili de su 1999, n. 120, e istituida cun D.P.R. n. 299 de s'8 de cabudanni de su 2000, pigat su postu de totu su certificau eletorali bèciu connotu: est su documentu chi permitit de esercitai su deretu de votu e chi atestat s'iscritzioni a norma de su tzitadinu me in is listas eletoralis de su comunu de residèntzia. Est unu documentu chi abarrat in su tempus, chi tocat de ddu allogai beni po podi esercitai su deretu de votu in ocasioni de totu is eletzionis o referendum e at a serbiri po dexiotu consultatzionis eletoralis o referendàrias.
Dda bogat e dda lassat in modellu aposta, s'Ufìtziu Eletorali de su Comunu de residèntzia o su Comunu innui est iscritu me in is listas eletoralis s'eletori/a. Sa tèssera eletorali si lassat sena de fai pagai bullus e deretus.
Sa tèssera ballit finas a preni is spàtzius aposta (dexiotu), po certificai sa partecipatzioni fata a sa votatzioni chi fait unu scrutadori ponendi sa data de s'eletzioni e su bullu de sa setzioni. Una borta spaciaus is dexiotu spàtzius a disponimentu si torrat a fai sa tèssera eletorali personali.
Acontessendi de si magangiai sa tèssera, e de non dda podi po cussu usai, s'eletori podit pediri su duplicau una borta cumpilada sa decraratzioni aposta in mòdulus chi aprontat s'ufìtziu eletorali e torrai s'originali magangiada. Acontessendi de dda perdi, s'eletori at a podi pediri duplicau a s'ufìtziu Eletorali, apustis de ai fatu dimanda cun decraratzioni de dda ai pèrdia.
Po ndi sciri de prus cuntatai a s'Ufìtziu eletorali comunali a su nùmeru 0783 993006.