De diora is coofundadoris de su Grupu folclorìsticu de Mòguru funt portendi in antis una batalla po sarvai is còstumini e ainas de su grupu etotu. Su Grupu folclorìsticu de Mòguru nascit in su 1968 e, cun su dinai coberau de esibitzionis in totu sa Sardigna, ndi at pesau unu patrimòniu de costùminis e ainas de balori stòricu, econòmicu e sentimentali mannu. Sa batalla de is coofundadoris de su Grupu folclorìsticu at sarvau unu costùmini de fèmina chi, me in is cidas passadas, ant intregau a su Comunu de Mòguru. Ma sighint a ammancai una surra de costùminis. Su Comunu de Mòguru creit ca s'initziativa de is fundadoris de su Grupu folclorìsticu de su Comunu minexit e si depit portai in antis cun decisioni. Po tanti s'invitant a is chi tenint is costùminis chi amancant de ddus intregai a su Comunu o a is coofundadoris de su grupu etotu. Si invitant a totu is tzitadinus chi tenint novas a suba de custus costùminis de ddu fai sciri a su Comunu.