“Sa Commissioni comunali de vigilàntzia chi si òcupat de is localis de spetàculu pùblicu no at ancora detzìdiu apitzus de s'agibilidadi de su Campu Tharros, po giai su permissu a fai is partidas po giogai a palloni."
Ddu pretzisant su Sìndigu Andrea Lutzu e s’Assessori a su Sport Maria Bonaria Zedda chi dennegant is novas chi pertocant sa non agibilidadi de su Campu Tharros detzìdia de sa Commissioni de vigilàntzia.
“Sa Commissioni s'est atobiada in is diis passadas e at fatu unu subralogu in su campu Tharros – narant su Sìndigu Lutzu e s’Assessori Zedda -. Finas a immoi duncas su Comuni non s'est ancora espressau apitzus de s'arresurtu de su subralogu, arrispetendi su traballu de sa commissione chi at a acabbai cun una firma de unu verbali apitzus de is cunditzionis de siguresa e agibilidadi de su campu. Duncas immoi comenti a immoi calisisiat nova chi pertocat s'agibilidadi o no de s'impiantu comunali sportivu Tharros est farsa.”