Prus de una borta intendeus nai frasis comenti a custa "Oi m'est sutzèdia una cosa!" o a custa "Ita t'est sutzèdiu?".
Su verbu "sutzèdiri" (chi mudat in fonètica in àteras partis de Sardigna) est unu fueddu intrau po debadas in sa lìngua sarda de sa lìngua italiana, est a nai ca in sa lìngua sarda nci at àterus fueddus prus schetus de su matessi sentidu:
- "acaèssere"- ‘succedere, accadere, capitare’ (Casu), ndi arribat de su spanniolu "acaecer"; mentras sa forma "acadèssiri" chi narant a logus, impreat sa -d- de sa boxi italiana.
- "acontèssere" o a logus "acontèssiri" o finas "acuntèssere" e "acuntèssiri", ndi arribat se su spanniolu "acontecer".
Duncas iat a essi mellus a nai "Oi m'est acontèssida una cosa!" o "Ita t'est acontèssidu?".
Is etimologias funt de L.M.Wagner - DES.
I.A.