Fotografia e artìculu de linkoristano.it
Fintzas su Consillu comunali de Crabas at aprovau sa chistioni de fai intrai sa Sardìnnia in s'elencu de is paesàgius Unesco. Sa delìbera chi impinniat sìndigu e giunta a cumentzai is protzeduras netzessàrias, est arribada a segus de sa motzioni presentada de su Consilleri comunali Antonello Manca.
Est unu passu de importu mannu po Crabas e po totu su territòriu de sa Sardìnnia, narat Manca, chi est stètiu tra is primus in sa provìntzia a sustenni sa proposta presentada in regioni de su grupu de is Riformadoris.
Sa motzioni dd'at presentada su consilleri de s'opositzioni in su mesi de argiolas.
Su paesàgiu culturali de sa Sardìnnia minescit de èssiri classificau comenti a patrimòniu Unesco, duncas unu museu abertu, narat Antonello Manca, fedendi riferimentu a una relata de s'’Istat chi narat ca su 18,4% de àreas e parcus archeològicus s'agatant in s'ìsula nosta.
Sighendi sèmpiri is datus Istat po su 2017, difati, a livellu natzionali nci sunt in Itàlia prus de 206 àreas e 81 parcus archeològicus, e 54 sunt in Sardìnnia: 45 àreas archeològicas e 9 parcus archeològicus.