SI FAIT SCIRI ca cun detèrmina de is Servìtzius Amministrativus-Finantziàrius n. 253 de su 14/10/2020 s'est aprovada sa graduatòria definitiva po assinnai is domus de E.R.P. in su Comunu de Biddobrana.
Cussa etotu est publicada finas in s'Albu Pretòriu in lìnia in data de oi 14/10/2020 po ddui abarrai 30 diis totu de sighida finas a su 13/11/2020 e in s'A.R.E.A. de Aristanis, cunforma e po is efetus de cantu ponit in contu s'art.10 de sa L.R. n.13/1989;
Cunforma a s'art. 8 de su D.P.R. n. 1199 de su 24.11.1971 contras a is àutus amministrativus definitivus s'ammitit recursu straordinàriu a su Presidenti po motivus de legitimidadi de is chi ndi tenit interessu aintru de su tèrmini de centubinti diis de sa data de notìfica de s'àutu de revisionai o de candu s'interessau ddu apat connotu totu, o sinuncas, cunforma a su D.Lgs n. 104 de su 2.07.2010 si podit intregai recursu a su tribunali amministrativu regionali de cumpetèntzia aintru de sessanta diis de sa publicatzioni in s'Albu Pretòriu de su Comunu de Biddobrana.