Cun s'abbisita a sa scola elementari de Sa Rodia, su Sìndigi Andrea Lutzu e s’Assessori a s'Istrutzioni Pùblica Massimiliano Sanna ant cumentzau unu giru de abbisitas me in is iscolas tzitadinas.
“Boleus atobiai is istudiantis, is maistus e totu su personali de sa scola po fueddai impari de is problemas aintru a is istitutus e po assigurai totus cun sa presèntzia de is istitutzionis in custa simana de emergèntzia sanitària - acrarant su Sìndigu Andrea Lutzu e s’Assessori Massimiliano Sanna -. Su Comunu nc'est. Est unu momentu de dificultadi manna ma nd'eus a bessiri totus impari”.
“Eus detzìdiu de movi de sa scola de via Cairoli poita est cussa chi at tentu is problemas prus mannus - narant Lutzu e Sanna - . Istudiantis e personali scolàsticu po unu annu ant dèpiu fai sacrifìtzius mannus e andai in àterus istitutus po is problemas chi ant portau a serrai s'edifìtziu. Is cidas ainantis de torrai a cumenztai sa scola , nc'est stètia una timoria tropu manna, dèpia a su disìgiu mannu de torrai a aberri sa scola e fai torrai is pipus in cussa chi po issus est una segundu domu.
De candu eus serrau sa scola, eus imperau ònnia resursa po ndi garantiri sa abertura in is cunditzionis de siguresa. In unu annu eus agatau totu is resursas netzessàrias , in prus a cussas chi teniaus giai , po arresolvi a manera definitiva is problemas de cussu fàbricu”.
“Is ùrtimas cidas sunt stètias difìtzilis fintzas po chi comenti a nosu teniat sa responsabilidadi de fai aberri sa scola in su matessi momentu de sìinghitzu de s'annu scolàsticu – aciungint Lutzu e Sanna -. Sa resposta prus bella dd'eus tenta de is chi frecuentant sa scola. Impari a sa Dirigenti Pina Loi eus fatu unu fùrriu in is classis e is pipius s'ant arriciu in una manera chi s'ta fatu cummovi. Issus , cun is maistus e totu su personali sunt prexaus meda de sa scola noba issoru".