Is sotziedadis sportivas e is assòtzius sportivus aristanesus tenint tempus finas a su 31 de su mesi de ladàmini po intregai dimanda a su Comuni de Aristanis po is cuntributus ordinàrius po s'atividadi fata in s'annualidadi 2019 o in sa stasoni sportiva 2019/2020.
Podint intregai dimanda is sotziedadis e is assòtzius sportivus iscritus in s'Albu Comunali de is sotziedadis sportivas e in s'Arregistru natzionali de is assòtzius e sotziedadis sportivas dilentantìsticas chi at istituiu su CONI, afiliadas a una Federatzioni o Enti de promotzioni sportiva chi su CONI arreconnoscit, chi pràticant a manera regulari s'atividadi agonìstica diletantìstica o finas a livellu amatoriali pighendi parti a campionaus o garas ufitzialis o fai atividadis po favoressi su sport po is pipius e is piciocheddus.
Nci bolit finas sa figura de allenadori e istrutori, sea legali o operativa in su Comuni de Aristanis, is pagamentus fatus po impreai is impiantus sportivus comunalis e serbit a teni unu defibrilladori in mesu a totu is ainas de sa sotziedadi e operadoris abilitaus a ddu manigiai.
Is dimandas de contributu, stèrrias me in is mòdulus a disponimentu in s'URP in Pratza de Eleonora de Arborea, in su Tzentru Informatzitadi in su guturinu Episcopio e in su giassu istitutzionali de su Comuni, ant a depi arribai aintru de sa 1 de meigama de su 31 de su mesi de ladàmini de su 2020 a s'Ufìtziu protocollu Generali in Pratza de Eleonora de Arborea.
Is dimandas s'ant a podi intregai a manu o mandai a s'indiritzu de posta eletrònica protocollo@comune.oristano.it o istituzionale@pec.comune.oristano.it.
Su bandu intreu e su modellu de dimanda funt publicaus in su situ istitutzionali.
Po ndi sciri de prus si podit pregontai a s'Ufìtziu Sport de su Comuni de Aristanis 0783/791311-791287 e-mail sara.caddeo@comune.oristano.it.