Cun detèrmina a cuntratai n. 37 reg. gen. 186 de su 30.06.2020 comenti dda at retificada sa detèrmina a cuntratai nr. 54 reg. gen. 304 de s'08/10/2020 custa Amministratzioni at decidiu de afidai is Servìtzius de Arregorta integrada de s'àliga urbana e servìtzius acapiaus in su territòriu de s'Unioni de Comunus de is Fenìcius (Comunus de Prammas, Santa Justa, Siamajore, Sabarussa, Biddobrana) po cincu annus.
S’afidamentu s'at a fai cun procedura aberta e aplichendi su critèriu de s'oferta prus bantagiosa a manera econòmica scerada segundu a su raportu chi prus cumbenit de calidadi e prètziu, cunforma a is artìculus 60 e 95 de su d.lgs. 18 de abrili de su 2016, n. 50 – Còdixi de is cuntratus pùblicus.
- Su logu po fai su servìtziu est su territòriu de s'Unioni de Comunus de is Fenìcius (Prammas, Santa Justa, Siamajore, Sabarussa, Biddobrana) (OR) [còdixi NUTS: ITG28]
- CIG: 8356608B11 - CUP: I16G20000440004
- Su Responsàbili de su procedimentu, cunforma a s'art. 31 de su Còdixi, est Ing. Emanuele Maria Scalas.
Totu is documentus de gara s'ant a podi scarrigai de su indiritzu: "documentazione di gara" in su giassu istitutzionali