S'8 de su mesi de ladàmini est nàsciu in Cuartu Sant'Eleni su Museu Multimediali de sa Poesia Improvisada. In sa "Domu 'e Farra", anca est su Mùseu, s'abisitadori at a podi fai unu caminu tecnològicu e interativu scoberrendi su mundu de is cantadoris, installatzionis aposta ammostant is formas mètricas, is figuras retòricas e is arrègulas chi sighint is garas poèticas in lìngua sarda, in prus bolendi, podit ascurtai is garas poèticas etotu a disponimentu me in s'archìviu digitali.