Est acabbau su laboratòriu istadiali po pipius cuncordau e fatu de s'assòtziu “Libriamoci” e finantziau de su Comuni, cun giorronadas in sa pratza Azuni e in su parcu giogus de via Colombo, garantendi su respetu de is normas anticovid.
Unus cantu atòbius chi at portau is pipius a abbisitai su territòriu de su Sinis, in unu viàgiu apitzus de temàticas diversas: s'educatzioni tzìvica e ambientali, sa stòria cun is Gigantis de Mont'e Prama, sa bistimenta tradiztionali cun s'assòtziu “A Sa Crabarissa”, e s'ai fatu ogetus piticheddus de argidda cun s'assòtziu "Schizzi d'arte”, s'ai connotu su mandiari tìpicu cun esperièntzias de saboris e fragus.
“Sa punna de custu progetu fuit cussa de giai a is pipius sa possibilidadi de giogai e abarrai impari, fintzas po cussus pipius chi non tenint possibilidadis econòmicas. e donendi duncas unu finantziamentu comunali e sa possibilidadi de frecuentai is atividadis a indonu.
Torru gràtzias a s'assòtziu “Libriamoci” po àiri propostu unu progetu de calidadi educativa manna, chi at biu is pipius pigai parti cun grandu prexu e permitendi a totus de torrai pagu pagu a sa normalidadi. At nau s'Assessora a is polìticas sotzialis Alessandra Spanu.
“Seu prexau meda po totu custu sucessu; seus arrannèscius a avalorai is assòtzius de su territòriu e seu siguru chi custu siat su primu passu po fai una retza de collaboratzioni intra de su comuni e is assòtzius, aciungit su Sìndigu, Andrea Abis.