PROVÌNTZIA  DE ARISTANIS

SETORI AMBIENTI E ATIVIDADIS PRODUTIVAS UFÌTZIU TRASPORTUS

 

DETERMINATZIONI DIRIGENTZIALI

N. 1177 de su 08/10/2020

 

Ogetu: INDITZIONI ESÀMINIS PO LASSAI S’ATESTAU DE IDONEIDADI A S’ATIVIDADI DE CONSULÈNTZIA PO SA CIRCULATZIONI DE MESUS DE TRASPORTU IN STRADA. SEGUNDU SESSIONI.

 

SU DIRIGENTI

 

Premìtiu ca s’art. 105 de su d.gls n. 112 de su 31/03/1998 at giau a is provìntzias funtzionis in matèria de trasportus, chi fuant de s’ U.M.C., e cunforma a sa corriedda 3, lìtera g, is funtzionis chi pertocant su de cuncordai is esàminis po cunsighiri is tìtulus professionalis po s’atividadi de consulèntzia po sa circulatzioni de is mesus de trasportu in strada;

 

Ca sa L.R. n. 9/2006 a s’art. 68 at fatu suu s’art 105;

 

Ca su Consillu cun delìbera n. 7/2012 ainantis e cun delìberas de s’amministradori straordinàriu n° 39/2019 e n°35/2020 apustis, at aprovau su regulamentu po otenni s’idoneidadi professionali a s’esercìtziu de s’atividadi de consulèntzia po sa circulatzioni de is mesus de trasportu in strada;

 

Ca s’art. 6 de su regulamentu previdit de aberri is tèrminus po presentai is dimandas de ammissioni a s’esàmini, cun avisu pùblicu;

 

Ritènniu de fissai una àtera sessioni de esàmini, comenti est prevididu de su regulamentu;

 

Vista sa lei 8/8/1991, n. 264, modìficas afatantis “Dissiplina de s’atividadi de consulèntzia po sa circulatzioni de is mesus de trasportu”;

 

Vistu s'art. 7 de sa LR n. 35/2015;

 

Arremonau su decretu de s'Amministradori Straordinàriu n. 24/2020, chi giait a sa sutascrita s’incàrrigu  de Dirigenti de su Setori ambienti e atividadis produtivas;

 

Ritènniu ca su Responsàbili de su servìtziu Gestioni Faunìstica, Massaria e Trasportus, Geom. Giuseppe Cherchi, ca tenit su rolu de responsàbili de custu protzedimentu, cun custa proposta at espressau su parri a favori a s’adotzioni de custu autu,

 

D E T E R M I N AT

 

•       De fissai una segundu sessioni d’esàmini, po su 2020, po lassai s’atestau de idoneidadi professionali a s’esercìtziu de s’atividadi de consulèntzia po sa circulatzioni de is mesus de trasportu in strada, cunforma a su regulamentu aprovau cun autu de su Consillu Provintziali n. 7 de su 12/03/2012 e agiornau cun autus de s'Amministradori Straordinàrii n° 39 de su 11/4/2019 e n°35 de su 14/04/2020;

 

•       De cunfirmai ca custu avisu dd’eus a publicai a su cuadru pretòriu e in su giassu de sa Provìntzia  www.provincia.or.it e, una còpia at a èssiri trasmìtia a s’Ufìtziu de sa Motorizatzioni Tzivili.