Sa Càmera de Cummèrciu Indùstria Artesania e Massaria de Aristanis, in contu de su Progetu "Punto Impresa Digitale (PID)", at publicau su bandu "Voucher Digitali I4.0 2020" po assinnai cuntributus in agiudu de investimentus de is impresas chi faint parti de sa circustritzioni territoriali de sa Càmera de Cummèrciu de Aristanis, po favoressi sa spaniadura de sa cultura e de sa pràtica digitali de is impresas micrus, pitias e mesanas po servìtzius de formatzioni e consulèntzia, còmpora de is partis fìsicas de is elaboradoris, sistemas po traballai a àgili e po traballai de atesu, solutzionis tecnològicas digitalis po s'automatzioni de su sistema produtivu e de bèndida po favoressi formas po s'abarrai atesu s'unu de s'àteru cunforma a is mesuras de arrefrenu chi tenint de biri cun s'apretu sanidàriu de Covid-19.
Is "voucher" s'ant a assinnai in òrdini de arribu de is dimandas segundu a sa procedura a sportellu chi valutat, finas a spaciai totu is arresursas a disponimentu.
Is dimandas, fatas comenti si depit e cumpretas de totu is documentus chi nci bolint de bandu, s'ant a podi mandai movendi de sa ora de is 8:00 de mangianu de su 08.10.2020 e finas a is 9:00 oras de merii de su 01.12.2020 sceti in modu telemàticu, cun firma digitali, a PEC a s'indiritzu: cciaa@pec.or.camcom.it.
Po ndi sciri de prus fait a cuntatai s'Ufìtziu Promotzioni Econòmica a s'indiritzu de posta eletrònica: promozione@or.camcom.it o a su nùmeru 07832143232 – 252.