AGIORNAMENTU ISCRITZIONI ALBU SCRUTADORIS DE SÈGIU ELETORALI. INVITU A INTREGAI DIMANDA
SU CUMMISSÀRIU STRAORDINÀRIU
Biu s’Art. 5 bis lei n. 95/1989 comenti ddu at istituiu s’art. 6 de sa lei n. 53/1990 aici comenti ddu at mudau sa lei n.120 de su 30/4/1999
INVITAT
A totu is eletoris chi funt interessaus a si fai poni in s’albu de is scrutadoris de sègiu eletorali, a fai dimanda aposta aintru de su 30 de onniasanti de su 2020.
Si fait sciri ca non podint fai is funtzionis de scrutadoris de ufìtziu eletorali de setzioni is eletoris de su Comunu chi s’agatant in custas cunditzionis:
1. is dipendentis de is Ministerus de s’Internu, de is postas e telecomunicatzionis e de is Trasportus;
2. is chi faint parti de Fortzas armadas in servìtziu;
3. is mèigus provintzialis, is ufitzialis sanidàrius e is mèigus de cundota;
4. is segretàrius comunalis e is dipendentis de is comunus incarrigaus o cumandaus a fai servìtziu me in is ufìtzius eletoralis comunalis;
5. is candidaus a is eletzionis po chi si fait sa votatzioni.
Su mòdulu s’agatat in s’Ufìtziu de is Servìtzius Demogràficus (bia de Umberto I n.16 pranu terra) o fait a ddu scarrigai de su giassu istitutzionali www.comune.riolasardo.or.it