AGIORNAMENTU ISCRITZIONI ALBU PRESIDENTI DE SÈGIU ELETORALI.
INVITU A INTREGAI DIMANDA
SU CUMMISSÀRIU STRAORDINÀRIU
INVITAT
cunforma a s’art. 1 de sa Lei 21 de martzu de su 1990, n. 53, a is tzitadinus iscritus me in is listas eletoralis de su Comunu e chi tenint s’idoneidadi a intregai dimanda de iscritzioni a si fai poni in s’Albu de is personis idòneas a s’ufìtziu de Presidenti de Sègiu eletorali.
S’istàntzia scrita e in forma lìbera si podit sterri in mòdulu aposta a disponimentu in s’Ufìtziu eletorali comunali e depit inditai:
a) data de nàscida,
b) tìtulu de stùdiu non prus bàsciu de su diploma de scola mèdia superiori,
c) residèntzia,
d) professioni, arti o traballu.
Sa dimanda si depit intregai aintru de su 31 de su mesi de ladàmini de su 2020 a s’Ufìtziu eletorali comunali (po mesu de s‘Ufìtziu Protocollu).
Is dimandas si podint agatai in s’Ufìtziu de is Servìtzius Demogràficus o in sa setzioni modulìstica in su giassu istitutzionali.
Si ponit a craru
ca, in contu de propostas de iscritzioni noba, cunforma a sa Circulari ministeriali MIACSE 135/2000 dd. 02.06.2000, is Comunus depint sinnallai a sa Corti de Apellu “sceti is tzitadinus chi funt idòneus a sa funtzionis po ai giai fatu cun sabiori is funtzionis de visupresidenti de sègiu, segretàriu o scrutadori o po s’essi sceraus in s’atividadi professionali insoru o, comenti si siat in sa sotziedadi tzivili po dotis mannas de seriedadi, preparatzioni, sensu de doveri, impartzialidadi, echilìbriu e precisioni”.