Sa Regioni donat cuntributus po impreai sa lìngua sarda, su cadalanu de S'Alighera, su tataresu, su gadduresu e su tabarchinu in su setori de is "mass media", de s'editoria, de s'informàtica e de su "web".
Prus de totu s'avisu IMPRENTAS est spartziu in 5 lìnias de interventu:
- Lìnia A - po publicai artìculus in cotidianus, periòdicus e testadas giornalìsticas in lìnia;
- Lìnia B - po ndi pesai, spartziri e spaniai òperas editorialis a paperi o a formau multimediali;
- Lìnia C - po ndi pesai programmas televisivus o radiufònicus de trasmiti cun ònnia aina po ddus spaniai;
- Lìnia D - po ndi pesai ainas informàticas, programmas o aplicatzionis po ndi assegurai su gosu e sa spaniadura, finas cun su "web";
- Lìnia E - agiudu a is emitentis televisivas e radiufònicas chi trasmitint, finas a manera assotziada, sceti me in is lìnguas de minoria e me in is variedadis alloglotas.
Is interventus finantziaus funt de pesai impreendi sceti sa lìngua sarda, su cadalanu de S'Alighera e/o is variedadis alloglotas: tataresu, gadduresu e tabarchinu.
Is propostas tocat de ddas intregai a PEC a s'indiritzu: pi.cultura.sarda@pec.regione.sardegna.it, aintru de mesudii de su 6 onniasanti de su 2020.