Sa fotografia est de Stefano Pia
“Su 'Cuntratu de Costera', in s'àmbitu de su progetu ‘Maristanis’, ast una aina indispensàbili po amparai a avalorai sa calidadi ambientali e paesagìstica de su Gulfu de Aristanis; tenit sa punna de amparai e gestiri mellus su sistema de is zonas ùmidas. Aici at nau s'assessori regionali po s'Amparu de s’Ambienti, Gianni Lampis, in sa presentada de su progetu 'Cuntratu de Costera Maristanis', chi interessat undixi comunus: Arborea, Arbus, Crabas, Guspini, Nurachi, Aristanis, Prammas, Arriora, San Vero Milis, Santa Justa e Terraba.
“Sa Regioni Sardìnnia bolit prumovi sa manera de imperai is resursas de sa costera a manera sostenìbili e sensibilizai is tzitadinus a arrespetai e avalorai custus logus – aciungit s’assessori Lampis – Gràtzias a custu 'Cuntratu' s'ant a podi prumovi polìticas de sostenibilidadi ambientali chi ant a andai paris cun su svilupu de su territòriu, imperendi pràticas bonas po agiudai s'ambienti e ant a furniri fintzas postus de traballu nous."
“Interessai a custu progetu is sugetus privaus est de importu fintzas pensendi a fai unu màrchiu chi scerit is produtzionis tìpicas de custu territòriu, movendi de cussas ìticas finas a cussas alimentaris. Aintru de custu progetu est prevididu de fai fintzas su primu gulfu regionali scapu de plàstica, circhendi de non imperai prus ainas de plàstica comenti a tassas, pratus, frochitas....etc, po agiudai su mari nostu a torrai sanu e lìmpiu”, at acabbau s’esponenti de sa Giunta Solinas.