Nominaus is iscrutadoris
Cenàbura 2 de ladàmini 2020 a is 9,35 sa Commissioni Eletorali de su Comuni de Mòguru s’est atobiada in sa sea de su comuni in via Leopardi 8, in adunàntzia pùblica po protzedi a sa nòmina de is iscrutadoris po is ufìtzius de setzioni po s’eletzioni de su Sìndigu e de su Consillu Comunali de su 25-26 de ladàmini 2020.
Sa Commissioni at detzìdiu de assorteai is iscrutadoris, fadendi abarrai a foras is chi dd’ant giai fatu in is duas ùrtimas consultatzionis eletoralis e donendi precedèntzia a is chi non traballant e non tenint una indennidadi de disocupatzioni, cassa integratzioni, moblidadi o pensioni.
In s’atòbiu sa Commissioni at nominau is eletoris chi sunt arremonaus in s’allegau A, e at fatu fintzas una graduatòria de 20 eletoris (allegau B), po arramprasai is chi sunt nominaus scrutadoris e mancai non podint pigai s’incàrrigu po strobus mannus.