Arregordaus argunas chistionis chi pertocant is eletoris residentis a s'èsteru e chi ant a votai po is eletzionis comunalis de su 25 e 26 de ladàmini 2020. At a èssiri su comunu a anticipai su contributu econòmicu, sighendi s'art. 4, corriedda 7, de sa L.R. 12 de su 2013; is eletoris depint presentai is paperis chi cumprovant is ispesas de viàgiu.
Po benefitziai de su contributu is eletoris depint:
- èssiri scritus a s'A.I.R.E. (Anàgrafi de is Italianus Residentis a s'èsteru) o ai inghitzau sa protzedura de iscritzioni a s'A.I.R.E. cumprovada de s'Ufìtziu Consolari de su Stadu de apròliu;
- àiri votau cun sa tessera eletorali firmada a manera regulari cun su bullu de sa Setzioni e sa data de sa votatzioni.
- Ammostai cun is billetus de viàgiu de èssiri arribaus in is duus mesis ainantis a is eletzionis e non prus tradu de is duus mesis afatantis is eletzionis etotu. No est prevididu chi si potzat benefitziai de su contributu po una trata sceti.
S'ant a remborsai sceti is ispesas de s'eletori e is billetus de viàgiu de aèreus, navis, corrieras e trenus, segundu sa modalidadi previdida de sa normativa vigenti.
Est importanti meda cunverti sa valuta èstera in èurus, alloghendi is paperis inui si podit ligi custu datu, po non faddiri candu si fait su rembursu. Non si podint remborsai is ispesas de màchina, parchègius, taxi. Non tenint deretu a s'agiudu econòmicu is eletoris chi s'agatant foras de stadu po stùdiu o traballu e chi, po lei, non si podint fai sa residèntzia a s'èsteru.