S'ammosta personali "Òntos\esserci\esserenelmondo", de s’artista Antonello Cuccu, dda ant prorrogada finas a s’8 de onniasanti.
S'ammosta, cuncordada in sa Galleria maista de su Museu Diocesanu de Aristanis si podit castiai sa giòbia e sa cenàbara de is 5 a is 8 de merii, su sàbudu e su domigu de is 10 a sa 1 de mangianu e de is 5 a is 8 de merii.
S'ammosta fait a biri a s'abisitadori trinta annus de su traballu de Antonello Cuccu, architetu, designer, artista ermenèuticu e neorinascimentali, chi s'impìnniu suu est acapiau finas a publicatzionis nodidas in su campu de sa stòria e de s'arti sarda. Cun is 100 e passa traballus suus aparaus in s'ammosta, contat is arresurtaus de sa circa sua, espressada de unu sustratu de unas cantu disciplinas. In sa carrera de s'ammosta, s'agatant is cuatrus elementus, àiri cun su bolu, terra cun su burricu, fogu cun s'amori e àcua cun sa morti, s'artista proponit un'esempru universali cun unu contu fatu de disènnius, tessìngius, ceràmicas e scurturas .