Professori ordinàriu de sa Facoltadi de Lìteras e Prèsidi de sa Universidadi de Tatari, at fatu in Nùoru is iscolas elementaris e mèdias. Prus tradu si làureat in s'Universidadi de Torinu cun una tesi intitulada «Il Dialetto di Nùoro»; si scrit apustis a s'Universidadi de Casteddu inui si làureat in Filosofia cun sa tesi «Il valore educativo delle lingue classiche». In s'annu acadèmicu 1948/49, in sa facoltadi de Lìteras a Firenze, sighit cursus de perfetzionamentu.
In su 1971 pigat sa càtedra de Linguìstica Sarda in s'Universidadi de Tatari.
At connotu su linguista Max Leopold Wagner, Maistu de Linguìstica Sarda.
At scritu prus de cincuanta lìburus e at fatu prus de 400 stùdius chi pertocant chistionis de linguìstica, filologia, filosofia de su linguàgiu. Po is publicatzionis fatas at tentu in su 1972 unu "Prèmiu de sa Cultura" de sa Presidèntzia de su Consillu de is Ministrus e in su 1995 su prèmiu de su Gruppo Internazionale di Pisa in sa setzioni "Literaus de su tempus nostu" po s'òpera Poesia e letteratura - Breviario di poetica (Brescia 1993). In s'àmbitu de su "Premiu Ozieri" po sa literadura in lìngua sarda dd'ant giau su prèmiu po sa Cultura in su 1995. At bintu su «Premio Sardegna 1997» de Tatari po sa setzioni «Linguìstica» e unu diploma de benemerèntzia in su "1° Festival della letteratura sarda".