Sa necròpoli di Mont'e Prama s'agatat in su territòriu de Crabas, asuta a su cùcuru chi tenit su matessi nòmini, sighendi in sa strada chi de Santu Sarbadori portat a Arriora. 

S'arti funerària dd'iant scoberta in su 1974. Su primi forrogu dd'iat fatu in su mesi de idas de su 1975 Alessandro Bedini (Soprintendèntzia Archeològica de Casteddu e Aristanis), chi nci fiat arranèsciu a scerai prus o mancu dexi sepulturas. 

In su 1977 Giovanni Lilliu e Enrico Atzeni (Universidadi de Casteddu ) iant fatu interventus de emergèntzia e apustis, in su 1978, Carlo Tronchetti (Soprintendèntzia Archeològica de Casteddu ), agiudau de M. Luisa Ferrarese Ceruti (Universidadi de Casteddu), iant fatu àterus scavus. Cun is atividadis fatas in su 1977 e in su  1979 beniant sceradas àteras 30 tumbas.ì, prufundas 70-80 cm e ladas 60,70 cm e ammantadas cun arenàrgiu. 

In custa àrea, studiada in sa simana chi andat de su 1977 a su 1979 ant agatau prus de 4000 incuededdus de stàtuas. Is chi sunt interraus inguni sunt òminis e fèminas. 

Mancai is datas son siant seguras, parrit ca custus arrastus siant de collocai in su VIII sec. a.C.

Po informatzionis prus aprufundidas podeis abbisitai su situ https://monteprama.it/