BONUS ÌDRICU DE APRETU - PRÒRROGA TÈRMINIS PO INTREGAI IS ISTÀNTZIAS.
S'Enti de Guvernu de s'Àmbitu de Sardigna (EGAS) at prorrogau de 15 diis, is tèrminis po intregai is istàntzas po sa cuncessioni de "Bonus Ìdricu de apretu". Totu is tzitadinus interessaus ant a podi intregai istàntzia aintru e sena de sartai su 15 de ladàmini de su 2020.
Su Bonus Ìdricu de apretu est un'arrimbursu tarifàriu in favori de nùcreus familliaris chi s'agatant in cunditzionis sòtziu-econòmicus lègias feti po nexi de is mesuras po poni arrefrenu acapiadas a s'apretu sanidàriu de Covid-19. S'importu de su Bonus Ìdricu de apretu chi spetat a cadaunu benefitziàriu est paris a € 50,00 a cadaunu de is chi faint parti de su nùcreu familliari.
Podint pediri is Bonus is chistioni is nùcreus familliaris chi tèngiant custus arrechisius:
- siant residendi in su Comunu de Santa Justa;
- tèngiant un'impitu a usu domèsticu residendi o, acontessendi impitu cundominiali, teni sa residèntzia in s'indiritzu anca s'agatat s'impitu cundominiali de residèntzia;
- tèngiant un'impitadori ISEE de immui chi non sartat is € 15.000,00;
- tèngiant un'impitadori ISEE de immui chi non sartat is € 20.000,00 acontessendi nùcreus assumancu de tres fillus a càrrigu (famìllia manna);
- s'agatant in cunditzionis de dannu econòmicu po nexi de sa suspensioni/ammenguamentu de su traballu ponendi in pràtica is mesuras po non s'atacai apari su Covid-19.
Totu is documentus s'ant a podi intregai a PEC a s'indiritzu protocollo@pec.comune.santagiusta.or.it o a posta eletrònica ordinària info@comune.santagiusta.or.it o, acontessendi de non disponi de custas ainas, s'ant a podi intregai a manu a s'Ufìtziu protocollu de su Comunu de Santa Justa me in is diis e oràrius afatantis: de su lunis a sa cenàbara de sa ora de is 11 de mangianu a sa 1.30 de meigama, e su mèrcuris de is 3.30 a is 6.30 de merii.
Totu is mòdulus funt a disponimentu in su Comunu de Santa Justa e in su giassu istitutzionali www.comune.santagiusta.or.it.
Po ndi sciri de prus, fait a cuntatai s'Ufìtziu de Servìtziu Sotziali a su nùmeru de telèfonu afatanti: 0783-354528.