Sa mosta WALLS cumentzada su 4 de argiolas in sa Pinacoteca Carlo Contni e chi contat sa spartzidura intra de is murus, sighit finas a su 15 de onnisanti.
A WALLS pigant parti 14 artistas sardus, campanus e spanniolus, chi ant cumentzau unu gemellàgiu in su mesi de maju de su 2019 in Aversa, e chi sighit a Aristanis aintru de sa Pinacoteca.
De su Progetu, arriciu cun prexu mannu de s’Assessorau a sa Cultura de su Comunu de Aristanis, si ndi òcupat sa Fondazione Oristano e s’artista Marco Pili che ant pensau a sa parti organizativa, invècias sa musta dd'ant curada Chiara Schirru e Paolo Sirena.
“S’idea de andai ainantis cun s'eventu nascit de sa volontadi de permìtiri a is abbisitadoris de sighiri a pensai a su messàgiu prufundu chi giait WALLS: sa netzessidadi de ndi sciusciai is divisionis chi ònnia dì portant a gherras, murus chi sunt sèmpiri prus difiìtzilis de biri e duncas prus malus de sciusciai - narat s’Assessori a sa Cultura Massimiliano Sanna -. Sensibilizai sa comunidadi apitzus de custa temàtica s'at a agiudai a scumbati sa timoria e, gràtzias a s'agiudu de s'arti, a ndi pesai stradas e pontis partzius”.
Is catodixi protagonistas de sa musta sunt: Enzo Angiuoni, Silvano Caria, Antonio Ciraci, Marina Desogus, Francesco Giraldi, Antonio Graziano, Michele Mereu, Mari Paz Pellín Sanchez, Marco Pili, Ivo Pirisi, Gianfranco Racioppoli, Pasquale Simonetti, Enzo Trepiccione e Vittorio Vanacore.
Walls, cuncordada gràtzias a s'agiudu de sa Fondazione di Sardegna, de sa Fundacion Paurides e di Askòs Arte, dda podeis abbisitai in sa Pinacoteca Còntini, in via S. Antoni ònnia dì fintzas a su 15 de onnisanti de is 10 a is 13 e de is 16.30 a is 19.30.
S’Assessori Sanna, arregordat ca mancai nci siant is dificultadis acapiadas a s'emergèntzia sanitària, s'est circhendi sa manera de sighiri cun s'organizatzioni de sa musta chi at a tzelebrai su 50° anniversàriu de sa morti de Carlo Contini.