In su mesi de ladàmini is meris podint micrucipai is canis insoru anca funt is veterinàrius Assl totu is giòbias de su mesi de ladàmini (1, 8, 15, 29 - foras de su 22).
Is fainas de arregistratzioni in s'anàgrafi canina s'ant a a fai me in is localis de su chi fut su maceddu de Aristanis (Bia de Parigi, zona industriali).
De sa prestatzioni, a indonu, fait a ndi gosai sceti allistendi-sì in antis telefonendi a su nùmeru 345.6619323, in funtzioni de su lunis a sa cenàbura de sa ora de is 10.00 a is 12.30.
Po arrispetai is mesuras de preventzioni contras a su Covid, su meri de s'animali o su delegau suu si depit aparai a s'atòbiada a mascarina posta, in prus de portai avatu su documentu de identidadi, depit arrispetai s'oràriu inditau candu s'est allistau po non si ammuntonai apari e, in ònnia modu, depit abarrai atesu de is àterus assumancu unu metru.
Totu s'operatzioni, lesta e chi no increscit, est a poni unu micrucip asuta de sa peddi de s'animali chi ndi ddu fait arreconnosci acontessendi fura o de si perdi. Sa micrucipadura, de òbrigu po lei, tocat de dda fai bàsciu chi siant passadas dexi diis de candu est nàsciu su callalleddu e sèmpiri in antis de trasferta o càmbiu de residèntza. Nci at santzionis a dinai po is meris de canis chi non portant su micrucip.