S'Assessorau de s'Istrutzioni Pùblica at publicau s'avisu po assinnai "Cuntributus po valorizai s'identidadi, su territòriu e sa lìngua sarda a favori de is organismus chi traballant me in su cumpartu de su spetàculu".
S'avisu est deretu in mesu a totu a duas categorias:
a) Assòtzius sena punna de lucru chi apant sea legali e operativa in Sardigna, chi faint atividadi de spetàculu in pùblicu me in is setoris de su Teatru, de sa mùsica o de sa danza e chi tèngiant custus arrechisius:
- ai operau totu de sighida, a s'ora de intregai sa dimanda, assumancu de 15 annus;
- ndi ai pesau assumancu 15 eventus a s'annu;
- po su chi pertocat sa simana intra de su 1 de gennàrgiu de su 2017 e su 29 de frèargiu de su 2020, ai fatu assumancu 45 rapresentatzionis e ai pagau cuntributus previdentzialis assumancu po 1500 giorronadas de traballu.
b) Fundatzionis de su cumpartu de su spetàculu chi apant sea legali e operativa in Sardigna:
- pesadas aintru de su 31 de su mesi de idas de su 2019;
- chi favoressint in su setori de sa mùsica sa sarvaguàrdia e su valorizamentu de cumposidoris sardus.
Is dimandas de cuntributu ant a depi arribai, pena su de non si ddas fai ammiti, de is 9 oras de su 19 de su mesi de ladàmini de su 2020 a sa ora de 12 de su 29 de su mesi de ladàmini de su 2020, sceti a manera telemàtica de unu indiritzu de posta eletrònica certificada a s’indiritzu Pec de sa Diretzioni generali de is Benis Culturalis, Informatzioni, Spetàculu e Sport: pi.dgbeniculturali@pec.regione.sardegna.it
Acontessendi rechestas de crarimentus tocat de ddas fai a posta eletrònica a s'indiritzu: pi.urp@regione.sardegna.it